Moeder: Die algemeenste tyd wanneer miskrame plaasvind is tussen 6 tot 9 weke swangerskapsduur. Die algemeenste simptoom wat jy sal opmerk is vaginale bloeding met somtyds, menstruasie-tipe pyn daarmee saam. Met ondersoek by die dokter sal daar dikweis bloeding om die vrugsakkie opgemerk word. Sestig tot 80% van dreigende miskrame sal opklaar en die swangerskap sal normaalweg aangaan. Indien die fetale hartaktiwiteit verdwyn is die diagnose van ‘n onvermydelikie abortus bevestig. Alhoewel ‘n skraap van die baarmoeder nie altyd nodig is nie, word dit in die meeste van die gevalle gedoen.
Daar is heelwat redes vir miskrame, maar dit is egter belangrik om te besef dat byna 1 uit 6 swangerskappe in ‘n miskraam eindig en dat dit nie dui op swak reproduktiewe potensiaal van die moeder of vader nie. Miskrame vind weens een van drie groot redes plaas. Eerstens, afwykings van die baba, tweedens weens abnormaliteit in hormonale ondersteuning vanaf die moeder se kant en derdens afwykings in die moeder se anatomie.
Die belangrikste is egter eersgenoemde met die embrio wat een of ander chromosomale- of ontwikkelingsafwyking het en net nie in staat is om verder te ontwikkel nie en dan afsterf. Op hierdie manier word ons as ouers beskerm dat ons nie abnormale babas hoef groot te maak nie! Faktore wat baie selde aanleiding gee tot miskrame is voedingsprobleme, motor ry, onlangse seksuele gemeenskap en emosionele stres.

Vader: Indien jou vrou blootgestel word aan ‘n dreigende miskraam of ‘n miskraam, sal jy haar baie moet ondersteun want vrouens ervaar dit baie sleg en negatief, byna soos dood van ‘n familielid.

Amniosentese

Amniosentese is ‘n prosedure waarby vrugwater vanuit die baarmoeder getrek word om sodoende fetaie selle te kry om hulle chromosoomsamestelling te bepaal. Die ondersoek word gedoen wanneer daar ‘n hoë risiko is vir chromosomale afwykings soos mongolisme. Somtyds is dit ook belangrik om die geslag van die baba so vas te stel omdat sekere genetiese toestande aan sekere geslagte gekoppel word. Dit word ook gedoen by pasiënte met ‘n geskiedenis van sekere fetale afwykings. Die uitslag van die kweking van die selle, neem 111, gewoonlik 4 tot 6 weke. Daar is nou ‘n nuwe ontwikkeling, die sogenaamde FISH toets. gedoen, Hierdie toets kan reeds binne enkele dae die chromosoomsamestelling van die baba gee met in redelike hoë mate van sekerheid. Dit is belangrik om te besef dat ‘n amniosentese ‘n risiko dra vir die ma en baba. in die wêreld word dit gereken dat 1/200 van amniosintesis eindig in ‘n komplikasie soos dreinering van vrugwater, bloeding, kontraksies van die baarmoeder of selfs ‘n miskraam. Daarom word ‘n amniosentese slegs gedoen met baie goeie motivering daarvoor. Na die doen van ‘n amniosentese verkies ons dat jy ‘n dag tuis bly en rustig verkeer. 017

Wat van oefening

Indien jy gereeld oefen, kan jy met ‘n bekende tipe van oefening steeds voortgaan. Weens die verhoogde aanvraag na jou kardiale uitwerp sal jy vind dat jou oefeningtoleransie afgeneem het en dat dit vir jou voel asof jy al hoe minder fiks word. Joga, stap en swem is goeie oefeninge om in swangerskap te doen. Bekkenvioer oefeninge is ook aan te beveel.

Hoeveel gewig kan ek optel

As algemene riglyn word gevoel dat 12 kg gewigstoename aan die swangerskap toegeskryf kan word. Gewigstoename meer as dit gaan ongelukkig aan jou lyfie agter bly en in effek hê op jou klerekas. Eet so ekonomies as moontlik en vermy dinge wat jy self weet jou gewig sal laat optel. Alhoewel melk ‘n goeie bron van kalsium is, moet gewaak word teen te veel melk, want die melk vette laat jou baie gewig optel probeer om afgeroomde te gebruik want die vette is dramaties laer, maar die kalsium inhoud is dieselfde as volroommelk. Pasop vir vrugtesap want dit is vol vrugtesuiker wat ‘n hoë bron van kalorieë is.

Hoe gemaak met naarheid

Sommige mense ervaar geen naarheid in swangerskap nie en ander se naarheid is so erg dat hulle geen voedsel of vloeistof kan inneem nie en dat hul selfs gehospitaliseer en met ‘n intraveneuse infuus behandel moet word. Ons verwys daarna as hiperemeses gravidarum. Gelukkig is daar nou verskeie anti-emetika wat goedgekeur is vir die gebruik in swangerskap en ons kan oor die algemeen baie simptome so draaglik maak dat die swangerskap weer ‘n plesier word. Naarheid verdwyn gelukkig na 12 tot 14 weke.

Hoofpyne

Hoofpyn is ‘n redelike algemene gewaarwording in swangerskap veral van 12 tot 24 weke. Een van die teorieë vir die hoofpyn is dat jou be bloeddruk somtyds aanleiding hiertoe gee. Die deurbloeding van jou brein verminder en jou brein kompenseer met verwyding van die brein se are. Dit gee dan ‘n migraine tipe hoofpyn. ‘n Algemene bevinding is dat hierdie tipe van hoofpyn na 24 weke verminder en later selfs verdwyn.

Wat van gemeenskap

Oor die algemeen is gemeenskap tydens swangerskap nie ‘n probleem nie. Maar die baarmoedermond (serviks), is baie bloedvatryk en kan somtyds in swangerskap aanleiding gee tot vaginale bloeding. Tydens die derde trimester sal die groot baarmoeder ‘n meganiese dilemma word.